Олы Ачасырның «Зөбәрҗәт» ансамбле кызлары, мәдәният йорты һәм музей хезмәткәрләре Рәгаиб кичәсен билгеләп үтү өчен мәдәният йорты сәнгать җитәкчесе Гөлнур Абзалина йортына җыелды

-Мөселман календаре даталарын билгеләп үтәргә тырышабыз. Ансамбльнең җитәкчесе Тәскирә апабыз Шәйхуллина бик матур итеп Коръән сүрәләре укыды, шушы көннең фазыйләтләрен сөйләде. Аллаһ Тәгаләгә барыбызның да догалары һәм теләкләре барып ирешсә иде. Җирдә тынычлык урнашсын, кешеләр муллыкта һәм татулыкта яшәсен! Дөньяларыбыз тыныч булсын! Без шул теләктә! - дип сөйли Олы Ачасыр мәдәният йорты мөдире Фәния Зыятдинова.