Норлат шау чәчәккә күмелер әле

Әбием мәктәбенең «Чәчәкле җәннәт» сыйныфларында чәчәк үсентеләре үстерәләр.

Петуния, сальвия, циния, бәрхет гөле... Ләкин төрле орлыклар төрлечә тишелә икән. Бигрәк тә капсулалардагы петунияләр көйсез. Мәктәп укучылары, оешма хезмәткәрләре белән бергә, аларны утыртырга ниятли һәм максатлары халыкка матурлык бүләк итү.

- Оешма, предприятие җитәкчеләренә дә мөрәҗәгать итәбез: Норлат өлкәннәренең инициативасын кабул итеп, территорияне төзекләндерүдә өлеш кертерсез дип ышанабыз. Без үсентеләр бирергә әзер. Шулай итеп, уртак тырышлык белән Норлат авылын шау чәчәккә күмәсе иде, –дип, теләге белән уртаклаша «Яшь йөрәкләр» иҗтимагый берләшмәсе җитәкчесе Ләлә Хаҗипова.