Норлат авылында «Норлат чәчәкләре» акциясе узды

Норлат абиләре һәм мәктәп укучылары иртә яздан орлык чәчте, петуния, бәрхет, сальвия үсентеләре үстерде, гортензия, декоратив исперия куаклары сатып алды. Чәчәк үсентеләрен үстерү җиңелләрдән түгел, чөнки барлык орлык та тишелми. Әмма "Норлат чәчәкләре" бәйрәменә утырту өчен үсентеләр җитәрлек булган, чөнки кайберәүләр үзләре белән күпьеллык чәчәкләр алып килгән. Утырту өчен территория дә бик җайлы һәм уңайлы булмаган, хәтта ярдәмчеләре Әсхәт Габассовичның тракторы ватылган, аннары амкодорда Фәрит Гыйсматуллин килгән һәм мәйданчыкны тигезләргә булышкан.

Хезмәт бәйрәмендә 60ка якын кеше катнашкан - пенсионерлар, оешма хезмәткәрләре, авылның әти-әниләре дүрт төркем оештырган һәм балалар бакчасы янында чәчәк түтәлләре утырткан.

Нәтиҗәле хезмәттән соң катнашучылар чәй һәм пылау белән сыйланырга җыелган, ә иде “Яшь йөрәкләр” булган җирдә җыр-моңсыз булмый инде ул. Хәзер исә бөтен авыл халкы ярдәме белән чәчәкләрне үстерергә, тәрбияләргә генә кала. Шулчакта гына авыл урамнары чәчәкләргә күмеләчәк.