Норлат авылында махсус хәрби операция өчен маскировка сеткалары ясый башлаулары турында хәбәр иткән идек инде.

-Авылдашыбыз Люция Садыйкова спорткомплекска сеткалар ясау өчен көн дә, эшкә барган кебек, йөри. Аның тынгысыз йөрәге өйдә тик утырырга ирек бирми һәм бу ярдәмнән читтә калмый. Язын һәм җәен Норлатта, Мулла Иле, Зур Өтәк мәчетләрендә хуш исле чәчәкләр үстерсә, кыш көне фронтка ярдәм кулы сузарга була. Аны чакырырга да кирәкми, Люция Ярхамовна күңеле кушканча эшли. Искиткеч авылдашыбыз белән горурланабыз, - дип сөйли Роза Ягудина.