Кече Шырдан музеена кадерле бүләкләр

Музей экспонаты булырлык берәр нәрсә тапсалар, хәзер алып килеп тапшыралар.

Бу җәйдә өй чормасына ревизия ясаганнар! Һәм менә нинди кадими букчалар тапканнар бит. Юкәдән үрелгән ( бәйләнгән?!) бу букчалар белән бала-чага мәдрәсәгә йөрдеме икән, әллә Казанский тыкрыгыннан гына чикләвек җыярга йөгерделәрме? Бәлки берәр кызның модный сумкасы булгандыр? Ай-һай, шәп үрелгәннәр, юкә исе аңкып тора.
Кызлары Лилиягә дә музей ошады. "Авылга кайткач, ялы гел эш белән үтеп китә. Бүген авылның тарихи объектларын күрсәтергә махсус алып чыктым әле!" - ди Сәлимә ханым, Лилия белән таныштырып.