Бәчек мәчетендә балалар авазы еш ишетелә
Авылның имамы Хәйдәр хәзрәт Сибгатуллин биредә үсеп килүче буын белән тыгыз аралаша һәм аларны иман йортына мөмкин кадәр еш җәлеп итәргә тырыша.
Әледән-әле балалар өчен мәчеттә төрле чаралар оештыра.
- Мөселман дөньясында яңа 1444 ел башланды. Авылыбыздагы балаларны мәчеткә чакырып, аларга Һиҗри ел исәбе, аның каян башлануы һәм моңа кагылышлы башка нәрсәләр турында сөйләштек, - ди Хәйдәр хәзрәт.
– Алар белгәннән үзгә, тагын әле Һиҗри календарь буенча яңа ел булуы аларны бик кызыксындырды, күңел биреп тыңладылар, сорауларына җаваплап ишеттеләр. Соңыннан җәннәт нигъмәтләре - җимешләр белән сыйланып, очрашудан канәгать калып, әзме-күпме рухи азык, яңа мәгълүмат алып таралыштылар.
Афәрин, Хәйдәр хәзрәт, көндәлек тыгыз хезмәтегез арасында балаларга да вакыт табып, бик кирәкле, күркәм эшләр башкарасыз. Дәвамлы булсын!
Следите за самым важным и интересным в Telegram-каналеТатмедиа
Нет комментариев