Авыл клублары ялларда да мәш килеп эшләвеннән туктап тормый

- Балалар өчен татар халкының милли ризыкларының берсе - кыстыбый пешерү буенча мастер-класс уздырылды, - дип уртаклаша Олы Шырдан мәдәният йорты мөдире Наҗия Хәсәнова. - Бу бәйрәмгә тиңләштерелгән чараның төп максаты итеп балаларны бергә җыеп, аралашу өчен шартлар булдырып, аларны үзебезнең гореф-гадәтләребез, милли ризыкларыбыз белән таныштыру һәм шуларның берсен әзерләргә дә өйрәнүне билгеләдек. Бик матур һәм мавыктыргыч кичә булды, катнашучыларга зур рәхмәт!

Афәрин, якташлар! Алга таба да шулай яшьләрне җәлеп итеп, файдалы чаралар оештырырга язсын!