Апрель ае – Тукайлы, шигъриятле, туган телле ул

Районыбызның авылларында мәктәпләр, мәдәният йортлары, балалар бакчалары бер ел да Габдулла Тукай туган көнен билгеләми калмый. Һәм менә ул чор җитте.

Бишнә мәдәният йортында үзешчән сәнгать түгәрәгенә йөрүче урта һәм олы буын абый-апалары белән бик күркәм кичә оештырганнар.

-Алар белән Габдулла Тукайның шигырьләрен укып, сөйләшеп, фикерләр уртаклашып, ахырдан бергәләшеп «Туган тел»не җырладык. Шундый җылы, рәхәт очрашу булды, - дип уртаклашты безнең белән Бишнә мәдәният йорты мөдире Илфат Сабиров. – Бу түгәрәккә йөрүчеләрнең күпчелеге ураза тота, намаз укый. Шуңа сәнгать җитәкчесе, белгәнегезчә, хатыным Рәхилә белән алар өчен ифтар оештырырга карар кылдык. Шигърият кичәсен табын артында догалар укып йомгакладык. Тоткан уразаларыбыз, догаларыбыз кабул булсын!