1 нче декабрьдән, Татарстан Республикасында физик мөмкинлекләре чикләнгән кешеләр ункөнлеге башланып китте

Шул уңайдан без, 3 нче декабрь көнне, Мулла Иле мәдәният йортында китапханә белән берлектә, физик мөмкинлекләре чикле кешеләрне чакырып "Без шатлык бүләк итәбез" дигән бәйрәм кичәсе үткәрдек. Аларга чәй өстәле әзерләдек, матур - кызыклы уеннар уйнаттык. Бергәләп җырладык, биедек, шигырьләр сөйләдек. Алар һәрвакыт күтәренке рухта, булганына шөкер итеп, тормыштан ямь табып яшиләр.
Бу бәйрәмне алар ел да зур түземсезлек белән көтеп алалар. Бер – берсе белән очрашалар, рәхәтләнеп гапләшәләр, көлешәләр. Алар берсе дә ялгыз түгел. Аларны кайгыртып торучы, яратучы олы йөрәкле якыннары бар, - дип сөйли ди мәдәният йорты җитәкчесе Рәзинә Сәйфетдинова.