Зөя утрау-шәһәрчегенә керү түләүле буламы әллә?

Зөя утрау-шәһәрчегендә чынлап та алты мобиль терминал урнаштырганнар. Алар, билет тикшерүдән бигрәк, беренче чиратта, утрауга килүчеләрне исәпләп барачак. Билетларны акчага сатарга, истәлекле урынны түләүле итәргә җыенмыйлар. Әлегә бу терминаллар тест режимында эшли икән. Зөянең үзендә яшәүчеләргә терминал аша керү өчен махсус электрон карталарны ел дәвамында бирергә җыеналар. Башка кешеләр исә билетларны кассаларда, «Электрон Татарстан» инфоматларында алырга мөмкин.

Сүз уңаеннан, кунакларны исәп­ләү өчен, мондый җайланманы Болгар тыюлыгында да куярга уйлыйлар.

Марат Алимов, Яшел Үзән.

Чыганак - Шәһри Казан.