ЗМК сөте «Мәскәү сыйфаты 2020» конкурсында җиңүче булды
Конкурста бөтен Россиядән продукция җитештерүчеләр катнашты. «ЗМК» АҖ сөтен мәскәүлеләр «Молоко топленое» категориясендә иң яхшысы дип санаганнар.
Быел «Мәскәү сыйфаты» конкурсы алтынчы мәртәбә үткәрелде. Аны катнашучыларның күпбаскычлы бәяләве аерып тора - башта категорияләр һәм номинантлар исемлеген эксперт советы сайлап ала, аннары мәскәүлеләр интернетта тавыш бирә һәм иң яхшыларны сайлый, ә финалга чыккан продуктлар аларның сыйфаты һәм этикеткада күрсәтелгән мәгълүматның реаль составына туры килүе билгеләнә торган лабораториягә җибәрелә.
Конкурсның эксперт советына Мәскәү шәһәре департаменты, НИУ ВШЭ, РАНХиГС, Кулланучылар базары берлеге, Мәскәү халыкара бизнес-ассоциациясе, Ваклап сату компанияләре ассоциациясе һәм башка оешмалар вәкилләре керде.
Күзәтчелек советына Мәскәү шәһәр думасы рәисе Алексей Шапошников, "Кичке Мәскәү" газетасының баш мөхәррире Александр Куприянов һәм Мәскәү сәүдә-сәнәгать палатасы президенты Владимир Платонов керде.
-Предприятиебезнең җиңүе белән горурланабыз! Без җитештерелгән сөтнең һәр тамчысы һәм һәр грамм продукт өчен җавап бирәбез, җитештерү процессының һәр этабын кырыс күзәтәбез, кулланучылар моны бәялиләр һәм безгә җавап бирәләр, - дип шәрехләде «ЗМК» АҖ генераль директорының сыйфат буенча урынбасары Роза Гарипова.
"Мәскәү сыйфаты 2020" конкурсында җиңүче булган сөтне комбинат "ВкусВилл" сәламәт туклану өчен азык-төлек кибетләре челтәре өчен махсус җитештерә.
Следите за самым важным и интересным в Telegram-каналеТатмедиа
Нет комментариев