Зеленодольскида ел саен үткәрелә торган «Вифлеем йолдызы нуры» Раштуа фестивале үткәрелде

Горький исемендәге мәдәни үзәктә бу вакыйга уңаеннан бай концерт программасы күрсәтте. Быел фестивальдә Яшел Үзән, Казан, Мәскәү һәм башка республикалардан һәм төбәкләрдән 700дән артык катнашучы булды.

Чарада мәртәбәле кунаклар: Казан православие дини семинариясе ректоры, протоиерей Владимир, Яшел Үзән районы башлыгы Михаил Афанасьев, РФ Дәүләт Думасы депутаты Илдар Гыйльметдинов, ТР Рус милли-мәдәни берләшмәсе җитәкчесе Ирина Александровская һәм Яшел Үзән районы имам-хатыйбы Габделхәмит хәзрәт катнашты.

- Яшел Үзән - иҗади һәм талантлы кешеләр шәһәре. Моннан тыш, безнең шәһәрне православие үзәге дип санарга мөмкин, биредә православие гыйбадәтханәләре - Раифа Богородский монастыре һәм ЮНЕСКО составына кергән уникаль соборлары булган утрау-шәһәрчек урнашкан. Мин барыгызны да бәйрәм белән котлыйм, сезгә нык сәламәтлек һәм яңа иҗади уңышлар телим! – дип, фестивальдә катнашучыларны Михаил Афанасьев сәламләде.

Концерт алдыннан барлык теләүчеләр каллиграфия сәнгатен өйрәнделәр һәм хәйрия кысаларында кулдан эшләнгән уенчыклар сатып алдылар.

Фестиваль 1999 елдан бирле Яшел Үзән благочинье белән берлектә Татарстан митрополиясе патронажы астында үткәрелә.