Законсыз рәвештә приставлар картамнан акчаны ала. Нишләргә?

Бу очракта банктан бары тик счетыгызны “катырулары” яки суд карары нигезендә акча алулары турында смскалар гына килә. Еш кына бу ТКХ буенча бурычлар, штрафлар, налог һәм алиментларга һ.б кагыла. Әмма акчаның ялгышлык белән алынган очраклары да була. Һәм “бурычлы” нәрсә өчен икәнен аңламый да. Бу хәлнең очына чыгу өчен, интернетта суд приставларының рәсми сайтында (fssprus.ru/iss/iP) суд производстволары мәгълүмәте базасыннан үзегез турында укыгыз. Биредә сез үзегезгә карата ачылган “эш”ләр турында белә алачаксыз. Сезгә “эленгән” бурычларга бернинди дә кагылышыгыз юкмы? Акчагызны басып калу турында карар кабул иткән судка мөрәҗәгать итеп, суд актын кире караулары турында гариза языгыз. Бу үзегезнекен кайтарырга ярдәм итәчәк.