Йөзә торган йортлар

Ил президенты Владимир Путин оборона заводларын конверсияләү бурычын куйды. Завод моңа шактый экстравагант юл белән - ракета куелган корабльләр белән бергә йөзә торган йортлар төзеп ирешмәкче. «Иртәме-соңмы мондый йортларга ихтыяҗ булачак. Россиядә бүген гражданлык суднолары төзи торган заводлар юк диярлек. Гражданлык тематикасы буенча без пионерлар кебек барабыз: сыегайтылган газда эшләүче тиз йөрешле теплоходлар төзеп карадык, менә шушы йортларны төзү турында хыялланбыз.. Кыскасы, без әлегә эзләнүдә», - диде заводның генераль директоры Ренат Мистахов республика журналистларына.