Юл һәлакәтендә зыян күрүчеләрнең саны 30дан артты

Автор, 5 декабрь 2016 - 11:02

878

Ханты-Мансийски автоном округында булган юл һәлакәте нәтиҗәсендә зыян күрүчеләрнең саны 34кә җитте, аларның 27се балалар булуы турында хәбәр итә, ТАСС.

Соңгы мәгълүматлар буенча, 12 кешенең һәлакәт урынында ук гомере өзелгән, үлүчеләрнең 10сы - балалар. 19 кеше хастаханәдә дәвалана, 12 кеше - шул исәптән 11е - балалар, һәм бер өлкән кеше реанимациядә ята, аларның хәле бик авыр дип бәяләнә.

Фаҗига кичә, 16:00 сәгатьтә Ханты-Мансийски - Төмән трассасының 926нчы километрында булган. Ханты-Мансийскидан Нефтеюганскига акробатика ярышыннан кайтып килүче балалар утырган автобус ике җиңел машина һәм бер йөк машинасы белән бәрелешкән.