Язның сулышы саф. Чистарыныйк...

Хәлне яхшы якка үзгәртү ниятеннән, районда 30 марттан алып 31 майга кадәр, территорияләрне санитар чистарту ике айлыгы игълан ителгән иде. Әлеге чараның үтәлешен контрольдә тоту ТКХ Департаментына тапшырылып, аның тарафыннан һәр оешмага тәртиптә тоту өчен учас­токлар билгеләнде. Чәршәмбе көннәрендә хезмәт коллективлары бу йөкләмәләрен җиренә җиткереп башкарып торсалар да, шимбә көннәрендә үзләре яшәгән йорт ишегалларын һәм тирә-ягын җыештырырга тиеш булган яшәүчеләр бу эшкә бик салкын карый булып чыкты. Шуңа күрә, күп фатирлы йортларда яшәүчеләрне дә, шәхси хуҗалык ияләрен дә торган урыннарыбызны чистарту буенча әлеге күмәк эшкә җитдирәк карап, актив катнашырга чакырабыз.