Яшел үзәнлеләр кисәткән саен алдана

Хәзер мошенниклык очраклары бик күбәйде. Ялганчылар кармагына ничек эләккәнеңне үзең дә сизми калырга мөмкинсең.

Менә шулай, Яшел Үзәндә 35 яшьлек ир почта аша бер оешмага телефонга заказ бирә. Телефонны аңа бандероль итеп төреп җибәрәләр. Ир 8490 сум акчасын түләп, бандерольне өенә алып кайтып ачса, аннан товар урынына картон чыга. Ә Интернет челтәре аша күпме кеше алдана. 62 яшьлек хатын, мәсәлән, бушлай сайтка фатир арендага бирүе турында игълан куйгач алдан түләү кертәм дип алдаучы аның банк картасыннан 50 мең сумга якын акчасын алдырта.