Яшел Үзәндә янгын сүндерү хезмәткәрләре янгыннан биш кешене коткарган

(Казан, 28 апрель, “Татар-информ”). Яшел Үзәндә янгын сүндерү хезмәткәрләре янгыннан биш кешене коткарган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә белдерделәр.

Кичә кич Засорин урамындагы бишкатлы йортның икенче катындагы фатирда янгын чыккан. Янгын 13 кв метр аш бүлмәсен һәм коридорны чорнап алган.

Махсус битлекләр ярдәмендә янгын сүндерүчеләр бинадан биш кешене эвакуацияләгәннәр.

Якынча мәгълүматлар буенча янгын электр җиһазларын куллану кагыйдәләрен бозу аркасында килеп чыккан.

Фото: vk.com/firefighter8ofpsrt