Яшел Үзәндә ялгыз өлкәннәрне гаиләгә алырга чакыралар

Татарстанда 2016 елдан бирле "Өлкән кеше өчен гаилә" проекты эшләп килә. Бу турыда Яшел Үзән районы социаль яклау бүлеге хәбәр итә.

Проект өлкәннәрне гаиләгә алуны максат итеп куя. Анда социаль хезмәтләр алучы пенсионерлар, картлар йортларында яшәүчеләр, социаль хезмәтне стационар формада алырга мохтаҗ картлар катнаша ала. Өлкән кешеләрне тәрбиягә алган гаиләләргә ай саен 4 меңнән алып 8 мең сумга кадәр акча түләнәчәк.

Кызыксындырган сорауларыгызны "Рәхәт" халыкка социаль ярдәм күрсәтү үзәгенә (тел. 5-00-60) яки социаль яклау бүлегенә (тел.4-16-62) бирә аласыз.

ЯҮМР Советының матбугат хезмәте.