Яшел Үзәндә яңа чаңгы-роллер трассасы төзиячәкләр

Ту турыда Яшел Үзән муниципаль районы башкарма комитетының яшьләр эшләре һәм спорт идарәсе начальнигы вазифасын башкаручы Азат Нигъмәтуллин сөйләде:

- 5 чакырмга сузылган яңа чаңгы-роллер трассасы "Маяк" спорт комплексы стадионыннан башлана. Хәзергә әзерлек стадиясендә генә, шуңа күрә тулы бәясе турында әйтү иртәрәк. Трассаны төзүгә һәм төзекләндерүгә акча республика бюджетыннан киләчәк. Әгәр планлаштырганнарыбызның барысы да тормышка ашса, бу Россиядә иң яхшы трассаларның берсе булачак. Бүгенге көндә мондый проектлар Уфада, Удмуртиядә һәм Мордовиядә тормышка ашырылды инде. Әгәр мондый трасса төзелсә, Яшел Үзәнебездә бөтенроссия дәрәҗәсендәге ярышларны да уздырып булачак.