Яшел Үзәндә яңа балалар поликлиникасы барлыкка киләчәк

 Бу хакта Татарстан Сәламәтлек саклау министрлыгы каршындагы Иҗтимагый совет утырышында ТР сәламәтлек саклау министры урынбасары Илдар Фатихов сөйләде.

«Бүген сәламәтлек саклау министры тагын бер тапкыр Яшел Үзән районы башлыгы Михаил Афанасьев белән сөйләште. Балалар поликлиникасы төзү өчен җир кишәрлеге бирү турында хат әзерләнде инде", - дип билгеләп үтте Сәламәтлек саклау министрлыгы башлыгы урынбасары.

Яңа медицина учреждениесе медицина шәһәрчеге каршында төзеләчәк.

Мәсьәләне Иҗтимагый совет утырышында Татарстан Республикасында кеше хокуклары буенча вәкаләтле вәкил Сәрия Сабурская күтәрде, Яшел Үзәндә поликлиника хастаханә белән бер бинада булуын билгеләп үтте - бу пациентлар өчен кыенсызлыклар тудыра. Илдар Фатихов җавап итеп яңа бина төзү планын ачты.