Яшел Үзәндә Россия спортчылары союзының олимпия делегациясе булды

Кунаклар арасында - легендар шәхесләр. Өч тапкыр Олимпия чемпионы, тугыз тапкыр дөнья чемпионы, егерме ике тапкыр фехтование буенча СССР чемпионы Галина Горохова - бүген ул Россия спорт берлеге президенты. Тимераякта шуу спорты, волейбол, академик ишү, грек-рим көрәше, җиңел атлетика буенча дөнья һәм Россия беренчелекләрендә җиңүчеләр Денис Капустин, Владимир Чебоксаров, Антонина Зеликович, Ирина Макогонова, Людмила Титова.

Ветераннар шәһәребезнең спорт объектларын карады, күптән түгел төзелгән футбол манежында, спорт музеенда булдылар, Яшел Үзән тренерлары һәм аларның тәрбияләнүчеләре белән аралаштылар, үзләренең җиңүләренең уникаль тарихлары белән уртаклаштылар. Күргәннәрдән канәгать калдылар һәм безгә яңадан килергә вәгъдә иттеләр.
Бу хакта район советы матбугат үзәге хәбәр итә.