Яшел Үзәндә Мирный бистәсендәге "Дельфин" спорт мәктәбен ремонтлаячаклар

Бассейнны төзекләндерүгә 25 миллион сум, материаль-техник базаны яңартуга миллион сум акча бирелгән: яңа шахматлар сатып алырга, ярышларда җиңүчеләрне кубоклар һәм призлар белән тәэмин итәргә, ванна, вентиляция һәм су әзерләү системасын ремонтларга, лицензияләнгән медицина кабинеты булдырырга планлаштыралар. Сентябрь аена эшләрне төгәлләп, тантаналы төстә яңартылган «Дельфин»ны ачарбыз дип өметләнәләр. 
Мирный микрорайоны үсә: йортлар салына, башка шәһәрләрдән күченеп килүчеләр дә күп. Балалар бакчалары, мәктәпләр һәм ял үзәкләре кытлыгы үзен нык сиздерә.