Яшел Үзәндә ирле-хатынлы парга пычак белән һөҗүм иткән ир-ат 15 ел катгый режимлы колониягә хөкем ителде

Исерек 35 яшьлек ир өйдәш хатыны белән әрләшә, ә аннан соң хатын чыгып китә. Ир үзе белән пычак алып, аны эзләргә чыга.

Коралланган ир, ишегалдында этләрен урамда йөртүче ирле-хатынлы парны очрата. Ул алар янына килә һәм 31 яшьлек ирнең күкрәгенә пычак кадый, ә аннары кача. Зыян күрүче хастаханәдә үлә.

Берничә минуттан соң җинаятьчене тоткарлыйлар.

Суд аңа 15 елга катгый режим карары чыгара, шулай ук зыян күрүчеләргә 1,5 млн сум түләргә мәҗбүр итә.