Яшел Үзәндә 33 градуска кадәр җылытачак

Бүген бөтен республика көнбатыш антициклон перифериясе йогынтысында булачак, алмашынучан болытлы һава көтелә, явым-төшемсез. Көндез һава температурасы 24 градустан артмаячак.

Шимбә, 19 июньдә, югары атмосфера басымы йогынтысында да явым-төшем көтелми. Төнлә салкынча булачак - +8дән +13 градуска кадәр. Көндез һава агымнары көньяк-көнбатышка алышынып, сизелерлек җылытачак һәм максималь һава температурасы +24 ...+29 градус тәшкил итәчәк.

Якшәмбе, 20 июньдә, күбесенчә коры һава торышы көтелә. Һава температурасы төнлә +14 - +19 градус, көндез +27...+2 градус.

ТР Гидрометеорология һәм әйләнә-тирә мохитне күзәтү идарәсе фаразлары буенча, киләсе атна башында, 21 һәм 22 июньдә, антициклон йогынтысында алмашынучан болытлы һава көтелә, күпчелек явым-төшемсез. Температура фоны тагын бераз артачак. Төнлә минималь һава температурасы - +15...+21 градус, көндез максималь - +28 - +33 градуска кадәр.