Яшел Үзәндә +21 ГРАДУСка кадәр җылылык көтелә

Бүген Татарстан төньяк-көнбатыш һава агымнарында, Мурманск өлкәсе үзәге булган ерак төньяк циклонның иңкүлегендә урнашкан. Көндез урыны белән бераз яңгырлар явачак. Төнлә +4 - +9 градуска кадәр суытачак, ә көндез нульдән 12 - 17 градус югарырак булачак.

Чәршәмбе көнне һава торышына антициклон дулкынының алгы өлеше йогынты ясаячак. Төнлә урыны белән әле бераз яңгыр булуы мөмкин, ә көндез явым-төшемнәр туктаячак. Төнлә температура +6 - +11 градуска кадәр төшәчәк, ә көндез 13 - 18 градус җылылык көтелә.

24 сентябрьдә Татарстанда һава торышын көнбатыш антициклоны формалаштырачак, төнлә + 3 - +8 градуска кадәр суытачак, урыны белән нульгә кадәр кырау төшәчәк. Шул ук вакытта, көндез 15 - 20 градуска кадәр җылына. Атна ахырына көндез 16 - 21 градуска кадәр җылы көтелә.