Яшел Үзән төзекләнәчәк, чәчәккә күмеләчәк

Язгы-җәйге чорда шәһәрдә 12 күп катлы йортта комплекслы ремонт эшләре алып барылачак. Шулай ук 2 йортта лифтны алмаштыру, тагын 1 йортта лифт һәм түбәне ремонтлау күздә тотыла. Әлеге программаны гамәлгә ашыруга 188 миллион сум акча каралган. Шул исәптән шәһәрдә - 144 миллион сум. Подрядчылары сайланган инде, бүген-иртәгә эш башланырга тора.

Урамнарны яшелләндерүгә 18 миллион сум бүленгән. Чәчәкләр утыртырга кече архитектура формалары сатып алмакчылар быел. Алар шәһәрне үзенчәлекле итеп бизәп торыр мөгаен. Тагын бер яңалык - парк зонасына 21 скульптура сатып алу өчен аукцион документациясе әзерләнеп ята.