Яшел Үзән сөт эшкәртү комбинаты хезмәткәре «Татарстан Республикасының атказанган азык-төлек сәнәгате хезмәткәре " исеменә лаек булды

Тамара Николаевна комбинатта инде 25 ел эшли. Бу вакыт эчендә ул таксировщик, хисапчы-кассир һәм транспорт буенча менеджер була. Үзен җитештерү мәсьәләләрен хәл иткәндә шәхси инициатива күрсәткән квалификацияле һәм башкарма хезмәткәр итеп күрсәтә.

Үзенең һөнәри күнекмәләре, принципиальлеге, намуслылыгы аркасында ул 2017 елда автоколонна диспетчеры була. Бу вазыйфада Тамара Николаевна маршрут графикларын, аерым участокларда хәрәкәт итү үзенчәлекләрен, шулай ук метеорология хезмәте сводкаларын һәм һава торышы фаразларын йөртүчеләргә җиткерә һәм документлар әйләнешен алып бара.

Тамара Преснякованың казанышлары республика дәрәҗәсендә беренче тапкыр гына танылмый – 2015 елда ул ТР Авыл хуҗалыгы һәм азык-төлек министрлыгының Мактау грамотасына лаек булган иде.