Яшел Үзән шәһәренең ПСЧ-52 янгын сүндерүчеләре җиденче тапкыр җиңүче булды

Бу иң дәрәҗәле ярышлар, аларда янгын сүндерүчеләр чын һөнәри осталык, түземлек һәм чыдамлык күрсәтәләр.

Гадәттәгечә бу ярышлар хезмәт бурычын үтәгәндә һәлак булган янгын сүндерүчеләр истәлегенә багышлана.

Программа элеккегечә калды-бу теория буенча гамәли өлеш һәм зачет. 500 метрлы дистанцияне узу, теплодымокамерада сынау, уку башнясына күтәрелеш, мишеньнәр белән ату – команданың гамәли өлешендәге барлык биремнәрне төгәл, тиз, санаулы минутлар эчендә үтәделәр.

Нәтиҗәдә, 52 янгын сүндерү һәм коткару частенең газ-төтен яклаучылар звеносы барысыннан да тизрәк булып чыкты, алар барлык биремнәрне үтәделәр һәм бу ярышларда инде җиденче ел рәттән җиңү яуладылар. 26 майда Түбән Камада узган ярышларның республика этабында нәкъ менә алар чыгыш ясарга тиеш.

Безнекеләр өчен җан атабыз!