Яшел Үзән районына эш визиты белән ТР икътисад министры урынбасары Равил Сираҗиев килде
Очрашу һәм предприятиеләр белән танышу кысаларында район башлыгы Михаил Афанасьев белән бергә кече һәм урта бизнеска ярдәм итү мәсьәләләрен карадылар.
Равил Сираҗиев М7 индустриаль паркында, аерым алганда, "Авалон продакшн", "Элком" компанияләрендә, шулай ук "Зеленодольск" сәнәгать паркы резидентларында булды.
Икътисад министрлыгы белгечләренең игътибары радиусына шәһәр предприятиеләре - "Эра" уенчыклар җитештерү заводы, суднолар төзү гиганты - Горький исемендәге Яшел Үзән заводы да керде.
Эшкуарлыкка ярдәм итү бүлекләре, маркетинг һәм үсеш фонды, инвестицион сәясәт бүлеге вәкилләре белән берлектә, ул компания җитәкчеләренең проблемалы сорауларын игътибар белән тыңлады һәм хәл итү юлларын тәкъдим итте.
Эш сәфәренең кульминациясе булып Икътисад министрлыгы делегациясенең Яшел Үзән муниципаль районы башлыгы Михаил Афанасьев белән очрашуы булды.
Әңгәмәнең төп темасы - эшмәкәрләргә ярдәм итү.
- Кече һәм урта эшмәкәрлек өлкәсендә 21 меңнән артык кеше эшли, бу-районның эшкә яраклы халкының өчтән бере. Безнең өчен бу өлкә бик мөһим, без төрле яклап ярдәм күрсәтәбез, дискуссия мәйданчыкларында да, эш урыннарында да даими очрашабыз, - дип билгеләп үтте Михаил Афанасьев.
Шулай ук кадрлар саклау һәм районда маятник миграция профилактикасы мәсьәләләре буенча да фикер алыштылар.
Следите за самым важным и интересным в Telegram-каналеТатмедиа
Нет комментариев