Яшел Үзән көрәшчеләре Казанда ачык турнирда катнашты

Яңа ел бәйрәме алдыннан, 26 декабрьдә, алар Казанның Авиатор спортмәктәбендә милли көрәш буенча яшүсмерләр арасында үткәрелгән ачык турнирда катнашты.
Ярышта оста катнашучылар бик күп булса да, яшел үзәнлеләр сынатмады һәм яхшы нәтиҗәләр күрсәтте. Шулай итеп, төрле авырлык категорияләрендә Ранель Йосыпов (Яшел Үзән), Инзил Ильясов (Осиново), Сәет Алиев (Осиново) 1нче урынга лаек булды. Ә Илһам Миңнуллин белән Йосыф Латыйпов ( Осиново) – 2нче урында. Яшел Үзәннән Ислам Галиев 3нче урынны яулады.
Әлеге спортчыларны ярышларга тренерлары Яшел Үзәндә - Илгиз Гайнуллин, Осиновода Фирдүс Зәйнуллин әзерләде.
Спортчылар яңа елга яңа уңышлар белән аяк баса. Киләсе ел да алар өчен нәтиҗәле булсын.
Җиңүчеләрне һәм призерларны котлыйбыз!