Яшәеш
Ялларга һава температурасы 21 градуска кадәр җылыта
Республикада урыны белән кыска вакытлы яңгырлар да көтелә.
Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, 28 апрельдә төнлә һәм көндез көньяк-көнбатыштан искән җилнең тизлеге секундына 15-17 метрга җитеп көчәергә мөмкин.
Иртәгә, 28 апрельдә, республикада алмашынучан болытлы һава торышы көтелә. Татарстанның төньяк районнарында бераз яңгыр явачак. Һава температурасы төнлә - +3..+8, көндез +15..+20 градус җылы булачак.
29 апрельдә төнлә явым-төшемсез, көндез исә төньяк районнарда урыны белән кыска вакытлы яңгыр явачак. Һава температурасы төнлә - +2..+7, көндез +16..+21 градуска кадәр күтәрелә.
30 апрельдә төнлә төньяк һәм көнчыгыш районнарда бераз яңгыр явып узса, көндез явымсыз булачак. Һава температурасы төнлә - +2..+7, көндез көнчыгыш районнарда +13+18, ә республика буенча +16..+21 градус җылы булачак.
Следите за самым важным и интересным в Telegram-каналеТатмедиа
Нет комментариев