Ялларда циклон Татарстанны 32 градуска кадәр җылытачак

«Циклон һәм дулкынлы атмосфера фронтлары йогынтысында» республика территориясендә яшенле кыска вакытлы яңгырлар узачак. Яшен вакытында җилнең 15-20 м/с ка кадәр көчәюе, шулай ук боз булуы ихтимал.

Синоптиклар билгеләп үткәнчә, шимбәгә каршы төндә һава температурасы 9 дан 14 градуска кадәр җылы, ә көндез 29 майда һава 23, 28 градуска кадәр җылыначак, өстәвенә төбәкнең көнчыгышында - +32 градуска кадәр. Якшәмбе көнне, 30 нчы числода, һава температурасы төнлә 12-17 градус җылы һәм көндез +21-+26 градус булачак.

Метеорологларның беренчел мәгълүматларына караганда, тотрыксыз, урыны белән яңгырлы һәм яшенле һава тиорышы, Татарстанда якшәмбедән дүшәмбегә каршы төндә сакланачак. Әмма 31 майда иртән һәм көндез республика "чираттагы төньяк-көнбатыш антициклоны" йогынтысында калачак.

Нәтиҗәдә тәүлекнең якты вакытында явым-төшемнәр булуы икеле. Иртәнгә һава +6-11 градуска кадәр суыначак. Көндез температура +18-+23 градуска кадәр күтәреләчәк.