Җәяүлеләргә штраф ике тапкырга артырга мөмкин

Мондый тәкъдим белән Иҗтимагый палата чыккан. Шулай итеп, элекеге 500-1500 сум 1000-3000гә кадәр күтәрелергә мөмкин. РФ куркынычсызлык буенча иҗтимагый палата комиссиясе рәисе Антон Цветков Дәүләт думасына законнарга тиешле үзгәртүләр кертүне сорап хат юллаган. Аның фикеренчә, җәяүлеләр тарафыннан бозылган юл йөрү кагыйдәләре беренче карашка гына җитди кебек күренми. Кайвакытта җәяүлеләр аркасында килеп чыккан һәлакәттә кеше гомере дә өзелергә мөмкин.