Хөрмәтле яшел үзәнлеләр һәм шәһәр кунаклары! Хөрмәтле ветераннар һәм тыл хезмәтчәннәре! Кадерле дуслар!

9 Май – һәркем өчен изге һәм кадерле бәйрәм, без аны аерым хисләр белән каршы алабыз. Бу көн төрле буын кешеләрен, ышануларын һәм карашларын тирән хөрмәт хисе белән берләштерә. Без Бөек Ватан сугышы каһарманнарча батырларча сугышкан, тылда эшләгән, сугыштан соңгы елларда илне торгызган һәркемнең батырлыгын һәрвакыт хөрмәт итәчәкбез.

Бүген дөньяда барган вакыйгалар һәр гаилә язмышында фаҗигале кайтаваз булып торган Бөек Ватан сугышы турындагы барлык фактларны һәм хәтерне саклап калуның мөһимлеген һәм кирәклеген ачык итеп раслый. Бу безгә, хәзерге вакытта яшәүчеләргә, ә иң мөһиме – киләчәк буыннарга тарихның бу битләрен белсеннәр һәм яңа глобаль афәтләргә юл куймаска тырышулары өчен кирәк.
Кадерле ветераннар, сугышчан һәм хезмәт батырлыгыгыз, зирәклегегез һәм битараф булмавыгыз өчен рәхмәт. Ватанга тугрылык, батырлык, нык булуыгыз өчен алдыгызда баш иябез. Үз эшләрегез, тормыш үрнәгегез белән безгә туган җиргә мәхәббәт, авырлыкларга карамастан, максатка һәм җиңүгә ирешү тәҗрибәсен җиткердегез! Бүген без, сездән соң килгән буын, Бөек Ватан сугышы геройларын хөрмәтлибез, бергәләп дәүләтебезнең киләчәген төзибез, аның намусын һәм мәнфәгатьләрен яклыйбыз.

Кадерле дуслар, бу истәлекле көнне сезгә чын күңелдән ныклы сәламәтлек, бәхет, иминлек һәм тыныч күк йөзе телибез! Бу май көннәре йөрәкләрегезне туганнарыгыз һәм якыннарыгыз аралашуы белән җылытсын, өйләрегезне тынычлык һәм яхшы кәеф белән тулыландырсын! Бөек Җиңү һәм аның турында хәтер һәрчак –безнең йөрәкләрдә, изге башлангычларда, өлкән буын турында көндәлек кайгыртуда һәм Ватаныбыз хакына иҗади хезмәт итүдә булсын!

Ренат Мистахов,
«Ак Барс» Суднолар төзү
Корпорациясе» АҖ
генераль директоры

Реклама хокукында