Хөрмәтле Яшел Үзән районы авыл хезмәтчәннәре, агросәнәгать комплексы хезмәткәрләре һәм ветераннары

Агросәнәгать комплексы - илнең, республикабызның икътисади нигезе булып тора, шунлыктан һәммәбез өчен дә авыл хуҗалыгын үстерү өстенлекле юнәлеш ләрнең берсе. 

Урып-җыю кампаниясе Татарстанны бөртеклеләрдән мул уңыш белән куандырды. Моңа авыл хуҗалыгына заманча технологияләр кертелү, төрле программаларны гамәлгә ашыру нигезендә ирешелде. Әлбәттә, сезнең югары һөнәри осталыгыгыз, эшегезгә бирелгәнлегегез, данлы традицияләргә тугры булуыгыз мөһим роль уйнады. Рәхмәт сезгә!
Үзегезгә һәм гаиләләрегезгә сәламәтлек, эшегездә уңышлар, бәхет, бәрәкәтле озын гомер телим!

 
Таһир Җиһаншин.
Яшел Үзән районы авыл хуҗалыгы һәм азык-төлек идарәсе җитәкчесе