Владимир Путин Россиянең барлык йорт хайваннарын исәпкә куярга кушты

Аерым алганда, президент барлык йорт хайваннарын исәпкә алу системасын кертергә һәм хуҗаларсыз хайваннарның популяциясен күзәтергә кушты. Документта, шулай ук, хайваннарны приютлардан кешеләргә тапшыру механизмы җайга салынырга тиеш диелгән, шулай ук хайваннар белән рәхимсез мөгамәлә турында шикаятьләргә җавап бирү системасын камилләштерергә кирәк.

Моннан тыш, Генпрокуратурага хакимият органнары һәм оешмаларның хайваннар белән җаваплы эш итү турындагы законнарны ничек үтәвен тикшерү йөкләнде.