Владимир Путин махсус хәрби операциядә катнашучыларга бәйле боерык биргән

Махсус хәрби операциядә катнашучыларның балалары аерым игътибарга мохтаҗ. Аларны үз балаларыбыз кебек кайгыртырга кирәк. Россия Президенты Владимир Путин Мәскәүдә Кабарты-Балкар башлыгы Казбек Коков белән очрашуында шулай дип белдергән. Бу хакта “Ведомости” яза.

Очрашу барышында төбәкнең социаль-икътисадый үсеше һәм илкүләм проектларны тормышка ашыруы каралган. Коков Президентка шулай ук “Геройларның балалары” проектын тормышка ашыру турында сөйләгән.

“Сез сөйләгәннәрнең барысы да мөһим. Балаларга, әлбәттә, аерым игътибар кирәк. Аларны үз балаларыбыз кебек кайгырту сорала”, – дип басым ясап әйткән

Чыганак: Ватаным Татарстан