Вера Брежнева Константин Меладзе белән аерылышканмы

Украина җырчысы Вера Брежнева продюсер һәм ире Константин Меладзедан аерылышуын әйтте. Бу хакта ул үзенең социаль челтәрләрендә хәбәр итә. Җырчы сөйгәне белән кайчан араларын өзгәнне төгәл әйтми.

«Аерылышу, трансформация, рәхмәтле булу, музыка һәм тавыш... Болар барысы да минем мини-альбомымда», — дип язган ул шәхси блогында.

Исегезгә төшерәбез, Вера Брежнева һәм Константин Меладзе 2015 елда Италиядә никахлашкан иде. Туйда парның туганнары һәм якыннары катнашты. Артистлар арасында мөнәсәбәт 2000 елларда ук башлана. Ул вакытта Брежнева «ВИА Гра» төркеме составында җырлый иде.