Васильевоның Ленин урамында 3 яшьлек баланы эт тешләгән
12 – 18 майда ашыгыч медицина ярдәме күрсәтү хезмәтенә 905 чакыру килгән.
Шуларның 538е – шәһәрдән, 367се районнан булган. 522 кешене госпитализацияләгәннәр: 347се – шәһәрдән, 175е – районнан.
Татарстан урамында күршесе кыйнаган 52 яшьлек хатын-кыз янына чакыру алынган. Аны травматологиягә китергәннәр.
М.Красная урамында билгесез затлар 40 яшьлек хатын-кызның күзенә «перцовый баллончик»тан сиптергән. Күзләре пешкән зыян күрүчене медиклар хастаханәгә алып килгән.
Васильевоның Ленин урамында – 3 яшьлек баланы, Зур Ключи авылында 13 яшьлек малайны эт тешләгән. Аларны медиклар травматология бүлегенә китергән.
Татарстан урамында билгесез затлар кыйнаган, баш мие җәрәхәтләнгән, кабыргалары сынган 39 яшьлек иргә дә медиклар ярдәме таләп ителгән.
Фото: Рәзилә Хәйретдинова, «ЯҮ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев