Васильевода күпкатлы йорт тәрәзәсеннән бала егылып төшкән

Шаһитлар сүзләренчә, Васильево бистәсендә биш яшьлек кыз-бала яңа туган нарасыйны дүртенче кат тәрәзәсеннән ыргыткан. Сабый һәлак булган./Mash Iptash

Калган нечкәлекләр ачыклана.

Яшел Үзән районы башлыгы, Яшел Үзән мэры Михаил Афанасьев:

- Бүген Васильево бистәсендә күпкатлы йорт фатирының тәрәзәсеннән егылу нәтиҗәсендә бала һәлак булган.

Хәзер вәзгыятьне хокук саклау органнары хезмәткәрләре тикшерә.

Һәлак булган баланың гаиләсенең кайгысын уртаклашам һәм барлык ата-аналарга мөрәҗәгать итәм: игътибарлы булыгыз һәм балаларны өлкәннәр каравыннан башка калдырмагыз!