Урысбага мәдәният йортында спектакль

Зал төрле авыллардан килгән тамашачылар белән шыгрым тулы иде.
Норлатлылар хөрмәтле авылдашлары, танылган артист һәм шул театрның режиссеры, Мөхетдинов Раильне күрергә диеп килгәннәр иде.
Көлкеле, шаян спектакль булса да, бик тирән мәгънәле. Комедиянең авторы бүгенге көндә халыкка медицина хезмәте күрсәтәдә булган проблемаларны күтәрә.
Ә без бу шимбә кичендә рәхәтләнеп көлдек, ял иттек.

"Өмет-Сәйяр" халык театрының Урысбагага беренче генә килүе түгел. Аларны авыл тамашачысы һәрчак көтеп ала, уйнауларын бик ярата.
Бу театрда бөтен рольларны укытучылар уйный. Профессиональ артистлардан бер дә ким түгел!!!
Аларга зур рәхмәтебезне белдерәбез, эшләрендә һәм иҗатларында яңа уңышлар телибез.

Роза Ягудина,

Норлат