Урамга таш җәясең килсә, түлә

Яшел Үзәннең Төзүчеләр урамында коллекторны алмаштыру сәбәпле, юллар ябылды, юлдагы асфальтлар кырылып читкә чыгарылып өелде. Халык шуны шәхси йортлардан торган урам юлларына җәюне тәкъдим итә. ЯҮМР башкарма комитеты җитәкчесе урынбасары Самир Мәрдәнов аңлатуынча, бу 50гә 50 схемасы буенча өстәп түләгәндә уңышлы булачак. Ягъни муниципалитет техника бирә, эшне башкара, ә ком белән вак таш исә шушы урамнарда яшәүчеләрдән. Проектта катнашырга теләүчеләр тулы мәгълүматны 4-25-36 телефоны аша шәһәрне төзекләндерү һәм яшелләндерү департаментыннан ала ала.