Ухань хастаханәләрендә коронавируслы пациентлар калмады

COVID-19 таралу эпицентры саналган Кытайның Ухань шәһәре хастаханәләрендә п коронавирус белән зарарланган бер генә пациент та юк, дип белдерде сәламәтлек саклау мәсьәләләре буенча Дәүләт комитетының рәсми вәкиле Ми Фэн, дип яза РИА Новости.

Аның сүзләренчә, Ухань хастаханәләре җирле табиблар һәм аларга ярдәм иткән барлык кытай медиклары эше аркасында бушаган. Диагнозланган коронавируслы соңгы авыру пациентны 24 апрельдә дәвалаганнар. Узган 20 көндә бер генә инфекцияле кеше дә ачыкланмаган. Уханьда эпидемия вакытында аны 50 меңнән артык кеше йоктырган, шуларның 3,8 меңнән артыгы вафат булган.