ТР Транспорт министрлыгы башлыгы: М12 трассасында яшәүчеләр куйган барлык мәсьәләләр дә хәл ителде

Бүгенге көндә эш төркеме алдына куелган барлык мәсьәләләр хәл ителде, алар буйлап М12 Мәскәү -Казан трассасы узачак. Бу хакта ТР транспорт һәм юл хуҗалыгы министры Фәрит Хәнифов автомагистраль төзү буенча эшче төркем утырышында белдерде.

«Проектлаучылар, Транспорт һәм юл хуҗалыгы министрлыгы хезмәткәрләре, Лаеш районы җитәкчелеге эшлекле очрашулар уздырды. Без эшче төркем алдына куелган барлык мәсьәләләрне хәл иттек. Моңа проектлаучылар бик җаваплы булды», - диде ТР Транспорт һәм юл хуҗалыгы министрлыгы башлыгы.

 Аның сүзләренә караганда, киләсе атнада проектлаучылар Тарлаши авылы янында техник-икътисадый нигезләү һәм трассировканы төгәлрәк тәкъдим итәчәк, бу хакта шулай ук җирле халык та сораган. Моннан тыш, республиканың Лаеш районының Орел авылы янында автомобиль юллары узу буенча техник карарлар билгеле булачак. "Чәршәмбе көнне без моны күрербез дип уйлыйм", - дип билгеләде Хәнифов.

Мәскәү - Казан автоюлы республиканың биш районы территориясендә узачак. Трассаның гомуми озынлыгы 729 км тәшкил итә, шул исәптән 142 км - Татарстанда. Автомагистраль төзелеше сигез этапка бүленәчәк. Җиденче һәм сигезенче этап республикага туры килә.

М12 тизйөрешле трассасын төзү буенча эшче төркем утырышы ТР Транспорт министрлыгында узды. Төркем составына кайбер министрлыклар һәм ведомстволар вәкилләре, шулай ук юл төзелергә мөмкин булган торак пунктларда яшәүчеләр керә.

Элегрәк “Татар-информ” мәгълүмат агентлыгы хәбәр иткәнчә, Татарстанның Лаеш районында М12 Мәскәү -Казан трассасын узу маршруты җирле халыкның теләкләрен исәпкә алып үзгәртелде.