ТР Сәүдә-сәнәгать палатасы рәисе: Хезмәт кешесе акча эшләргә тиеш

Гражданнарның хезмәтен хөрмәт итү турындагы Конституциягә төзәтмәләр эшчеләрнең хезмәт хакын директорлар дәрәҗәсенә кадәр арттыру өчен стимул булачак. "Татар-информ" мәгълүмат агентлыгы белән шулай дип ТР Сәүдә-сәнәгать палатасы идарәсе рәисе Шамил Агеев уртаклашты.

"Барысы да хезмәттә тора. Соңгы вакытта безнең хезмәт һәм квалификация загонда иде. Хәзер төзәтмә кертелә, хезмәт кешесе акча эшләргә тиеш бит. Үз вакытында безнең заводта якынча берничә мең хезмәткәрдән 700е генераль директордан күбрәк акча эшләгән. Хәзер мондый нәрсә гомумән мөмкин түгел ", - дип аңлатты ул.

Агеев билгеләп үткәнчә, ул Конституциягә төзәтмәләргә уңай карый, әмма теләсә нинди үзгәрештән соң уйланылганны гамәлгә ашыру өчен эш кирәк.
Россиянең Төп законына кертелә торган төзәтмәләр гражданнарның хезмәтенә ихтирамны ныгытачак һәм аларның хокукларын яклауны тәэмин итәчәк, шулай ук дәүләт тарафыннан минималь яшәү минимумыннан түбән булмаган хезмәт хакы гарантияләнәчәк.

"Хезмәт хакы эшләп алынырга тиеш, шуңа күрә квалификация булсын өчен укырга кирәк, шулай ук эш урыны да җиһазландырылырга тиеш, - дип саный Татарстан Сәүдә-сәнәгать палатасы идарәсе рәисе.