Тикшерү комитеты башлыгы Казан көллиятендә студентны мыскыл итү эше турында доклад таләп итә

Социаль челтәрләрдә Казан көллиятләренең берсендә студент даими рәвештә үз төркемдәшен кыйнап, түбәнсетә дигән мәгълүмат барлыкка килде. Уку йорты администрациясе янәсе әлеге конфликтка кысылмый. Татарстанның Тикшерү комитеты җинаять эше кузгатты. Ведомство башлыгы Александр Бастрыкин җирле җитәкче Валерий Липскийга тикшерүнең ничек баруын хәбәр итәргә кушты.

Интернетта таралган кадрлар аркасында җәнҗал куба. Видеоларның берсендә яшь кыз курсташына каршы электрошокер куллана, аннары дус кызлары белән бергә корбанын тезләнергә мәҗбүр итә. Зыян күрүче әти-әнисез тәрбияләнә. "Куркынычсыз интернет лигасы" башлыгы Екатерина Мизулина әлеге материалларны прокуратурага җибәрде.

Көллияттә 9 апрельдә ике кыз арасында конфликт булганын расладылар, ләкин нечкәлекләрне ачмыйлар. Анда кыйнауларны һәм эзәрлекләүләрне теркәмәгәннәр дип белдерделәр. Кызларның әти-әниләренә һәм полиция хезмәткәрләренә хәбәр иткәннәр. Ике кызны да профилактик исәпкә куйганнар. Зыян күрүче төркемдә системалы эзәрлекләүләр булмады, ди. Көллияттә 10 апрельдән билгесез кеше Александр исеме астында инцидент турында ялган мәгълүмат тарата башлаган, дип белдерделәр. Тикшерү дәвам итә.

КП Казань