Техника төзеклеге тикшерелә

Аны ЮХИДИ бүлеге белән бергә ТР Дәүләт техник күзәтчелеге идарәсе уздыра һәм ул 8 октябрьгә кадәр барачак.
– Рейдлар барышында шәхси кешеләрнең һәм юридик затларның үзйөрешле техникасының һәм тагылмалы техниканың техник торышы тикшерелә, – дип аңлата Дәүләт техник күзәтчелегенең  Яшел Үзән буенча баш дәүләт инженер-инспекторы Мансур Мөхәммәтҗанов. – Шул ук вакытта техник күзәтчелек узу-узмау турында таныклык, машинистның ярашлы категориядәге кенәгәсе, теркәлү документлары да игътибарга алына. Әгәр дә закон бозу очраклары булса, РФ КоАПка ярашлы рәвештә административ җәза кулланылачак.