Татарстанстат: исәпкә алучыларның 70% Бөтенроссия халык санын алу алдыннан Covid-19 вакцинациясен узды

 Бу хакта ТР Министрлар Кабинетында узган брифингта Федераль дәүләт статистикасы хезмәтенең Татарстан Республикасы буенча территориаль органы җитәкчесе Наталья Гатауллина хәбәр итте.

"Росстат тарафыннан халыктан мәгълүмат җыю вакытында яңа коронавирус йогышын профилактикалау буенча Роспотребнадзор тәкъдимнәрен үтәү тәэмин ителде. Сораштыруда катнашкан затлар битлекләр, перчаткалар белән җиһазландырылачак һәм яңа коронавирус йогышы куркынычын профилактикалау буенча тәкъдимнәр белән танышачак», — дип билгеләп үтте докладчы.

Моннан тыш, Бөтенроссия халык санын алуны үткәрү буенча республика комиссиясенә Татарстан Республикасы муниципаль районнары һәм шәһәр округлары башлыкларына шәхси контрольгә алырга һәм халыктан мәгълүмат җыюга җәлеп ителә торган затларны вакцинацияләү мөмкинлеген тәэмин итәргә тәкъдим ителде.

Булачак халык санын алу турындагы мәгълүмат, шулай ук коронавирус инфекциясе таралу куркынычын профилактикалау өчен күрелә торган чаралар турында мәгълүмат хакимиятнең рәсми сайтларында бастырылырга тиеш, дип өстәде докладчы.

Элегрәк «Татар-информ» мәгълүмат агентлыгы Казанда Бөтенроссия халык санын алуга әзерлек тәмамлануын хәбәр иткән иде.