Татарстанда Яшел Үзән тимер юл станциясе начальнигына карата 40 мең сумлык ришвәт өчен эш кузгатылды

Тикшерү версиясе буенча, шик астына алынучы, 2015 елда 40 мең сум ришвәт алып, тиешле килешү һәм рөхсәт документларыннан башка гына урланган йөк төялгән тимер юл вагоннарын бирү фактын яшергән.

Хәзер тикшерү бара, шикләнелүчегә чик кую чарасын сайлау мәсьәләсе хәл ителә. Шулай ук, шикләнелүченең җинаятьчел эшчәнлегенең өстәмә эпизодларын ачыклауга юнәлтелгән чаралар уздырыла.